Үзэсгэлэнгийн үеэр Хамгаалалтын захиргааны зүгээс Төв Азийн экосистем: Судалгаа, хамгаалал, зохистой ашиглалт судалгааны ном 10 ширхгийг, Увс нуурын ай савын судалгаа шинжилгээний ажлын эмхтгэл 4 ширхгийг, ОХУ, Монгол улсын хил дамнасан “Увс нуурын хотгор”-ын тусгай хамгаалалттай газруудын менежментийн төлөвлөгөө /2010-2015 / 10 ширхгийг, Увс нуурын ай савын улсын тусгай хамгаалалттай газар нутгийн менежмент төлөвлөгөө /2014-2018/ 10 ширхгийг, Зэрлэг амьтдын нутгаар аялал жуулчлалын маршрут-1 сурталчилгаа материал 500 ширхгийг, Шувуу ажиглах маршрут-2 аялал жуулчлалын сурталчилгаа материал 500 ширхгийг, Увс нуурын ай савын улсын тусгай хамгаалалттай газар нутгийн танилцуулга 500 ширхгийг тус тус тарааж сурталчиллаа. Энэ жилийн хувьд үзэсгэлэн 3 хоног үргэлжилсэн бөгөөд эхний өдөр нийтэд хаалттайгаар зохион байгуулагдаж, оролцох хүмүүс зөвхөн мандатаар оролцсон ба энэ үеэр аялал жуулчлалын чиглэлээр хамтран хэрэгжүүлэх төсөл, хөтөлбөр, бүтээгдэхүүн солилцооны талаар хэлэлцүүлэг зохион байгуулагдаж, төрөл бүрийн бизнес уулзалт, гэрээ хэлэлцээр баталгаажуулах B to B өдөрлөг боллоо. Сүүлийн 2 өдөр буюу амралтын өдрүүдэд үзэсгэлэн үнэ төлбөргүй, нийтэд нээлттэй зохион байгуулагдсан. Үзэсгэлэнгийн сүүлийн өдөр "Аялал жуулчлалын хөдөлмөрийн бирж” зохион байгуулагдаж, аялал жуулчлалын чиглэлийн ажлын байр нээлттэй зарлагдлаа.